Venus showed Juno she was no more chaste than other women by asking a hen if she would stop scratching for a barn full of grain. She could not.
Even the best are no better than others.
Gallina Scalpens
Deis deabusque praesentibus, Iuno laudabat castitatem; persuadebat melius esse ut femina uni viro esset coniuncta proprioque suo sufficeret. At Venus, iocandi causa, interposuit dicta gallinarum. Cum interrogaret patientem et taciturnam domesticam suam gallinam quanto posset satiari cibo, illa dixit, “Quodcumque accepero abundat mihi, et econtra scalpo.” Venus econtra huic gallinae dicitur coram ipsis dixisse, “Ne scalpes, do modium tritici.” At gallina sic ait Veneri, “Si horreum mihi patefacias, tamen scalpo.” Ubi risisse dicitur Iuno dictum Veneris a gallina, per quam agnoverunt dii feminis fieri similia. Sic deinde Iuppiter multas coepit adire feminas, nulla se importuno negavit. Deinde et Venus cum Marte et Vulcano. Et, ut potuerunt, ceterae multae.
Perry #539
